Willkommen bei Georgs Wortspielereien

 

Unsa lebenddiga Advent

 Iatz sitz'ma wieda beianand, a biss'l bin i do scho g'schbannt;

 Wos gibt’s denn do heid zum vozäin?

 Da Nik'laus sogt: „Um Gottes Wäin“

 Schaugt's Leidl, wia des Kerzal brennt,

 mia ham scho wieda moi Advent.

 Des Jahr is wieda boid voganga,

 De Zeid, de lost si hoid ned fanga.

 De schdaade Zeid is nimma schdaad,

 ma hod des Gfui, d'Wäid is vodrahd.

 Drum lost's uns zua Besinnung kemma,

 lost's eich de Freid am Lem ned nemma.

 Mit Glühwein oda Kindapunsch

 eafuin mia eich heid jädn Wunsch.

 Schbizbuam und Vanillekipfal

 g'hean naddialli a dazua,

 Weihnachtsblazal gibt’s grod gnua.

 Weihnachtsliadl woin ma singa,

 Hoffnung in de Heazn bringa. Drum hoidd ma unt'rananda zamm,

 und samma frou, daß mia uns ham.

Euer Georg